Bisyo

Bartolome Man. Panilagao
Lacaron, San Fernando, Cebu

Gipakaingon ko ba
Nga ang kalipay
Sa bisyo dumalayon!


Kay tam-is pa man god
Ang dugos sa kinamayan
Kong gitagay taliwala
Sa gihimaya kong kalibutan
Sa kabuhong – sa babaye…
Sa alak… sa sugal ug druga!

Nagtuo ako
Nga mataak ko na
Ang kinapungkayan sa Langit
Ug makighagwa sa nagkundat
Nga bulalakaw sa kagabhion
Ug manghagdaw sa pagpamunit
Sa mga tipaka sa mga bituon!

Gisikdo sa kahimatngon
Ang akong hunahuna…
Nga sa kaulahian sa ako
Unyang pagkasukamod
Way usa nga mosagakay
Kay ulahi na ang tanan!